Almatyda búgin tańerteń jeke úi órtendi, dep habarlaidy QazAqparat.
Qalalyq Tótenshe jaǵdailar departamentiniń málimetinshe, 4 qazan kúni tańǵy saǵat 6: 44 minýtta órt sóndirýshiler, Bostandyq aýdany «Almagúl» yqsham aýdanyndaǵy Drýjba kóshesi, 38-úi mekenjaiy boiynsha shyqty.
«Alǵashqy órt sóndirý bólimsheleri 7 minýttiń ishinde jetkende, jeke turǵyn úidiń birinshi qabaty men mansardyń ashyq jalynmen janyp jatqanyn anyqtady. Kórshiles úilerge órttiń taralýy qaýipi tóndi. Órttiń tez taralýyna úidiń aǵash qaptamasy, sondai aq jylytý jabyndylary yqpal etti.
Gaz-tútinnen qorǵaý qyzmetiniń 3 býyny adamdardyń bar-joǵyna barlaý jumystaryn júrgizip, kórshi úilerdi órtten qorǵaýǵa jáne órtti sóndirýge oqpandar berildi, janyp turǵan shatyrdy sóndirýge órtke qarsy avtosaty tehnikasy ornalastyryldy», - dep habarlady departamentten.
Qabyldanǵan sharalardyń arqasynda órt saǵat 07:38-de aýyzdyqtaldy, 8:00-de tolyǵymen joiyldy.
Zardap shekkender joq.
Órtti sóndirýge 9 tehnika, jeke quramnyń 30-dan astam adamy jumyldyryldy.
Atqarylǵan sharalardyń arqasynda órt sóndirýshiler kórshiles úiler men ǵimarattardy qorǵap qaldy.
