الماتىدا بٷگٸن تاڭەرتەڭ جەكە ٷي ٶرتەندٸ, دەپ حابارلايدى قازاقپارات.
قالالىق تٶتەنشە جاعدايلار دەپارتامەنتٸنٸڭ مەلٸمەتٸنشە, 4 قازان كٷنٸ تاڭعى ساعات 6: 44 مينۋتتا ٶرت سٶندٸرۋشٸلەر, بوستاندىق اۋدانى «الماگٷل» ىقشام اۋدانىنداعى درۋجبا كٶشەسٸ, 38-ٷي مەكەنجايى بويىنشا شىقتى.
«العاشقى ٶرت سٶندٸرۋ بٶلٸمشەلەرٸ 7 مينۋتتٸڭ ٸشٸندە جەتكەندە, جەكە تۇرعىن ٷيدٸڭ بٸرٸنشٸ قاباتى مەن مانساردىڭ اشىق جالىنمەن جانىپ جاتقانىن انىقتادى. كٶرشٸلەس ٷيلەرگە ٶرتتٸڭ تارالۋى قاۋٸپٸ تٶندٸ. ٶرتتٸڭ تەز تارالۋىنا ٷيدٸڭ اعاش قاپتاماسى, سونداي اق جىلىتۋ جابىندىلارى ىقپال ەتتٸ.
گاز-تٷتٸننەن قورعاۋ قىزمەتٸنٸڭ 3 بۋىنى ادامداردىڭ بار-جوعىنا بارلاۋ جۇمىستارىن جٷرگٸزٸپ, كٶرشٸ ٷيلەردٸ ٶرتتەن قورعاۋعا جەنە ٶرتتٸ سٶندٸرۋگە وقپاندار بەرٸلدٸ, جانىپ تۇرعان شاتىردى سٶندٸرۋگە ٶرتكە قارسى اۆتوساتى تەحنيكاسى ورنالاستىرىلدى», - دەپ حابارلادى دەپارتامەنتتەن.
قابىلدانعان شارالاردىڭ ارقاسىندا ٶرت ساعات 07:38-دە اۋىزدىقتالدى, 8:00-دە تولىعىمەن جويىلدى.
زارداپ شەككەندەر جوق.
ٶرتتٸ سٶندٸرۋگە 9 تەحنيكا, جەكە قۇرامنىڭ 30-دان استام ادامى جۇمىلدىرىلدى.
اتقارىلعان شارالاردىڭ ارقاسىندا ٶرت سٶندٸرۋشٸلەر كٶرشٸلەس ٷيلەر مەن عيماراتتاردى قورعاپ قالدى.
