Almatyda jedel járdem qyzmetine táýligine 2 500-den astam qońyraý soǵylady. Bul týraly onlain brifing barysynda qalalyq Qoǵamdyq densaýlyq saqtaý basqarmasynyń ókili Svetlana Sultanǵazieva aitty, dep habarlaidy "Ult aqparat".
«Ótken aptada bizde kúnine 700-den astam adamnan koronavirýs tabyldy. Osy aptanyń alǵashqy kúni - búginniń ózinde bizde 610 jaǵdai. Jedel járdemge túsken qońyraýdyń eń kóbi ótken aptada tirkeldi, táýligine 2 500-den astam shaqyrý boldy, keshegi jaǵdai boiynsha qońyraý sany - 1 900-ge jýyq. Jedel járdem ózine túsken aýyrtpalyqty jaqsy eńserip jatyr. Sonymen qatar, emhanalar kúrdeliliktiń tórtinshi sanatyndaǵy qońyraýǵa qyzmet kórsetedi, emhanalar kúnine 400-500 qońyraýǵa jaýap beredi», - dedi ol.
