Foto: Almaty ákimdiginiń baspasóz qyzmeti
Almatyda jedel járdem kóligi jol apatyna tústi, bir adam qaitys boldy, dep habarlaidy qalalyq politsiia departamenti.
Oqiǵa 3 jeltoqsanǵa qaraǵan túni saǵat 00:40 shamasynda Alataý aýdanynda bolǵan.
"Jedel járdem kóligi Sain kóshesimen soltústik baǵytta ketip bara jatyp, burylǵanda Kia kóligimen soqtyǵysty. Saldarynan jedel járdem kóligi aýdarylǵan. Bul kóliktegi adam alǵan dene jaraqatynan aýrýhanada kóz jumdy", - deidi vedomstvo.
Eki avtokóliktiń de jolaýshylary ártúrli dene jaraqatyn alǵan.
Politsiia qaza bolǵan áieldiń jedel járdem qyzmetkeri bolýy múmkin ekenin aitty. Sputnik Qazaqstan tilshisi Almaty jedel járdem mekemesine habarlasty. Olar marqumnyń feldsher ekenin rastady.
