Almatyda Qoǵamdyq densaýlyq saqtaý basqarmasy jedel járdem qyzmetiniń burynǵy direktory sottaldy. Bul týraly qalalyq Sybailas jemqorlyqqa qarsy is-qimyl departamenti habarlady.
Almaly aýdandyq sotynyń sýdiasy jedel járdem qyzmetiniń burynǵy direktoryna jáne qylmysqa qatysqan onyń orynbasaryna, feldsherge, sondai-aq kásipkerlerge úkim shyǵardy.
Almaty «Jedel járdem qyzmetiniń» burynǵy direktory Azamat Ámenov 6 jylǵa bas bostandyǵynan aiyryldy. Onyń orynbasary Almaýtova 3 jylǵa sottaldy. «Avangard-spetsodejda Kazahstan» JShS direktory men kommertsiialyq direktorǵa 54 million teńge kóleminde aiyppul salyndy. Bul – paranyń, iaǵni 2,7 million teńgeniń jiyrma eselengen mólsheri.
№3 stantsiiasynyń aǵa feldsheri Qurmanǵalieva 1 million teńge aiyppul tóleýi kerek. Bul – para kóleminen on ese kóp.
«Jedel járdem qyzmetiniń direktory Ámenov pen onyń orynbasary Almaýtova «Avangard-spetsodejda Kazahstan» JShS direktory Saiadova men sol kompaniianyń kommertsiialyq direktory Aksenovten «Avangard-spetsodejda Kazahstan» JShS-men 27 202 560 myń teńgege 230 meditsinalyq sómkeler jinaǵyn jetkizý boiynsha memlekettik satyp alý týraly shart jasasýǵa kómekteskeni úshin 2,7 million teńge para aldy degen kúdikke ilindi. Qurmanǵalievaǵa eki feldsherdi jumysqa ornalastyrǵany úshin Ámenovke 100 myń teńge para berdi degen aiyp taǵyldy», - dep habarlady vedomstvonyń baspasóz qyzmetinen.
Sottalǵandar ómir boiyna memlekettik qyzmettegi laýazymdardy atqarý quqyǵynan aiyrylady.
