Foto: ©️ Tengrinews.kz / Turar Qazanǵapov
Almatyda jedel járdem qyzmetkerlerine shabýyl jasaldy. Bul aqparatty qalalyq Densaýlyq saqtaý basqarmasy rastady, - dep habarlaidy Tengrinews.kz saity.
Belgisiz er adam aldymen kómek surap, artynsha shabýyl jasaǵan.
"Kezekti qońyraýdan qaityp kele jatqan kezde er adam jedel járdem qyzmetkerlerine jaqyndap, áielge kómek kórsetýdi ótingen. Áieldi qaraý kezinde er adam dáriger men feldsherdi uryp, olardyń densaýlyǵyna ziian keltirgen", - delingen Almaty densaýlyq saqtaý basqarmasy habarlamasynda.
Qazirgi ýaqytta Alataý aýdany PB zańsyz áreketke barǵan tulǵaǵa qatysty protsessýaldyq sheshim qabyldaý satysynda.
"Búginde zardap shekkenderdiń jaǵdaiy qanaǵattanarlyq, olar ambýlatorlyq em alyp jatyr", - dep qosty Almaty qalalyq densaýlyq saqtaý basqarmasy.
