Almatyda jaiaý júrginshiler ótkelinde áieldi kólik qaǵyp ketti, - dep habarlaidy Tengrinews.kz saity.
Áleýmettik jelilerde Jarokov pen Sátbaev kósheleri qiylysyndaǵy jaiaý júrginshiler ótkelinde eki kólik soqtyǵysyp, bir adamdy qaǵyp ketkeni túsirilgen video paida boldy.
Almaty politsiiasy jol apatynyń 29 qarashada saǵat 08:30-da Almatynyń Bostandyq aýdanynda bolǵanyn habarlady.
"Hyundai Creta jáne Mercedes kólikteri Sátbaev kóshesimen shyǵys baǵytta kele jatyp, Jarokov kóshesine qarai, solǵa burylatyn sátte Hyundai Mercedes-ti artynan soǵady. Al Mercedes inertsiiamen jaiaý júrginshini – 1954 jyly týǵan áieldi qaqqan. Ol aýrýhanalardyń birine jetkizilgen", - dep habarlady politsiiadaǵylar.
Politseiler bul fakt boiynsha Bostandyq aýdany ákimdiginiń qyzmetkerleri tergeý júrgizip jatqanyn atap ótti.
