Almaty qalalyq jasyl ekonomika basqarmasy megapolistiń ortalyǵyndaǵy ýaqytsha jaiaý júrginshiler aimaǵyn qurý jobasy sanitarlyq shekteýler tolyq alynǵanan keiin ǵana júzege asyrylatynyn málim etti, dep habarlaidy "Ult aqparat".
«Jasyl ekonomika basqarmasy politsiia departamenti jáne aýdandyq ákimdiktermen birlesip, jaiaý júrginshiler aimaqtaryn kólik qozǵalysynan bosatý máselesin pysyqtap jatyr. Birinshi kezeńde Almaly aýdanyndaǵy Bógenbai batyr –Tóle bi –Qabanbai batyr kóshelerindegi sharshy aimaq usynyldy. Joba epidemiologiialyq jaǵdai turaqtanǵan soń ǵana bastalady»,– dep habarlady basqarmadan.
Eske salaiyq, Almaty qalasynyń ákimi Baqytjan Saǵyntaev maýsym aiynda jaiaý júrginshilerdiń ýaqytsha aimaqtaryn qurý boiynsha pilottyq jobanyń qolǵa alynǵanyn aitqan bolatyn.
Keiinirek Almaty qalalyq Jasyl ekonomika basqarmasynyń bastyǵy Natalia Livinskaia bul kóshelerde ekologiialyq ahýaldy jaqsartý boiynsha keshendi sharalar usyndy.
