Almatyda túnimen nóser jaýyn jaýyp, qatty jel soqty. Bir túnde ailyq jaýyn shashyn normasynyń tórtten biri túsken, - dep habarlaidy qalalyq TJD baspasóz qyzmeti.
«21 aýlany sý basyp, 19 aǵash qulaǵan. Tótenshe jaǵdaidan eshkim japa shekken joq. 14 mamyrdaǵy daýyl bolatyny jaily eskertýden keiin qaladaǵy barlyq qutqarý qyzmetteri daiyn turǵan. Júrgizilgen jumystardyń nátijesinde 15 jekemenshik úidiń aýlasyna kirgen sý toqtatyldy. 4 joldy sý shaiǵan. 2 kópqabatty úidiń jertólesine sý kirgen», - dedi TJD.
Sonymen qatar, qatty jelden 8 aǵash kólikterdiń ústine, 11 aǵash jolǵa qulaǵan.
TJD qyzmetkerleri barlyǵy 840 tekshe metr sýdy sorǵyshpen soryp shyǵardy.
