Almatyda 20 jastaǵy jigit qart áieldi uryp, tonady degen kúdikpen ustaldy, dep habarlaidy QazAqparat.
Almaty qalalyq politsiia departamentiniń málimetinshe, oqiǵa Markov pen Timiriazev kósheleriniń qiylysynda bolǵan. O. esimdi azamat ótip bara jatqan adamnyń jeke múlkin kúsh qoldanyp, urlap ketken.
«Jas jigit áreketiniń eshkim baqylap turmaǵanyna kóz jetkizip, jábirlenýshiniń janyna júgirip kelip, iyǵyna soqqy jasaǵan. Áiel qulaǵan kezde ony uryp-soǵyp, qolynan aqshasy men uialy telefony salynǵan sómkesin julyp alyp, qashyp ketken. Jábirlenýshi birden politsiiaǵa júgindi. Júrgizilgen jedel-izdestirý is-sharalarynyń barysynda sol kúni kúdikti qamaýǵa alyndy. Ol urlyq jasaǵanyn moiyndady», – dedi Bostandyq aýdandyq politsiia basqarmasynyń bólim basshysy Ǵalym Qasymbaev.
Qazirgi ýaqytta ustalǵan azamattyń jalpy Almaty qalasynda buryn jasalǵan osyǵan uqsas qylmystarǵa qatysy bar-joǵy tekserilip jatyr.
Qylmystyq is QR QK-niń 191-baby 2-bóliminiń 1-tarmaǵy boiynsha tergelýde.
