Almatyda jappai tártipsizdikke qatysýshylarǵa qarý taratqandar ustaldy

"Jappai tártipsizdikter kezinde kúdiktiler qarý-jaraq dúkeninen qarý alyp shyǵyp, Respýblika alańyna jinalǵandarǵa tarata bastaǵan. Kriminaldyq politsiia basqarmasynyń qyzmetkerleri jedel is-sharalar barysynda kúdiktilerdiń jeke basyn anyqtady. Olar qaladaǵy bazarlardyń biriniń aýmaǵynda ustaldy. Qazirgi ýaqytta aiyptalýshylar qamaýda otyr. Olardyń jeke basyn basqa da qylmystarǵa qatysy bar-joǵyna mindetti túrde tekseretin bolamyz", – dedi Almaty qalalyq Politsiia departamenti bastyǵynyń orynbasary Berik Ábilbekov.

Aita keteiik, búlikshilerge qarý taratyp jatqan sátti kýágerler videoǵa túsirip alǵan. Keiinnen bul video áleýmettik jeliler men telearnalar arqyly kópshilikke taraldy.

"Biz qarý-jaraq dúkenine shabýyl jasadyq. Bizdi osylai jasaýǵa bir top adam májbúr etti. Sosyn avtomattarymen silkip turyp biz urlaǵan qarý-jaraqtyń jartysyn ózderine alyp aldy. Men aq tústi Lexus kóligin júrgizdim, - dedi birinshi kúdikti.

Olar protivogaz kigen, avtomatpen, pyshaqpen qarýlanǵan adamdar. Olar bizge qarýdy tez alyp shyǵyp, baryp taratýdy buiyrdy. Biz barlyǵyn qoryqqandyqtan, qysym kórsetkendikten istedik. Avtomat asynǵan adamdardan qalai qoryqpaisyń?, – dedi ekinshi kúdikti.

Biz qalany kólikpen araladyq, qarý-jaraq dúkenine bardyq, ol kezde ony tonap jatty. Bizdiń kólikke qarý tiep, alańǵa alyp barýdy buiyrdy", – dedi úishinshi kúdikti.

Politsiia bul toptyń úilestirýshisiniń jeke basyn jáne ustalǵandardyń áreketiniń shynaiy sebebin anyqtaýǵa kiristi.

Elimizdiń Qylmystyq kodeksiniń birden birneshe baby boiynsha sotqa deiingi tergeý amaldary júrgiziledi.