Almatyda jappai tártipsizdik kezinde 9 politsiia qyzmetkeri qaza tapty. Bul týraly qalalyq politsiia departamentiniń basshysy Qanat Taimerdenov shtab otyrysynda aitty, dep habarlaidy QazAqparat.
Qalanyń bas politseiiniń málimetinshe, Almatydaǵy tártipsizdikten keiin bes politsei aýrýhanada jatyr, onyń ekeýi - aýyr halde.
Barlyǵy 1097 politsiia qyzmetkeri túrli jaraqat alǵan.
Sonymen qatar, ol politsiianyń 5 front-ofisi, 19 modýldik keńsesi jáne 13 ekopost órtenip ketkenin aitty. Odan bólek, Almaly politsiia basqarmasynyń ǵimaraty qiraǵan.
«165 kólik zardap shekti, onyń 64-in qalpyna keltirý múmkin emes. 7 qarý-jaraq dúkeninen 1347 dana qarý urlanǵan. Búgingi tańda 127 qarý tárkilendi, onyń 58-i ańshylyq dúkenderderden urlanǵan», – deidi Qanat Taimerdenov.
