Foto: Tengrinews.kz/Alihan Sariev
Almatyda búkil avtobýs, trolleibýs baǵyttary jumys istep tur, barlyq baǵdarshamdar qalpyna keltirildi. Bul týraly Qalalyq mobildilik basqarmasynyń basshysy Ǵani Myrzahanov aitty, dep habarlaidy QazAqparat.
«Búginde barlyq 151 baǵyt jáne 1600 birlik jyljymaly quram, onyń ishinde trolleibýs jáne qala mańyndaǵy baǵyttar iske qosyldy. Qalalyq marshrýttardyń jumys tártibi 8.00-den 21.00-ge deiin, qala mańyndaǵy marshrýttarda 9.00-den 21.00-ge deiin. Sonymen qatar, metro jumysy qaita jandandy. Jumys ýaqyty - 7.00-den 21.00-ge deiin», - dedi spiker.
Ǵani Myrzahanovtyń aitýynsha, tártipsizdik kezinde 28 avtobýs zaqymdalǵan.
Onyń 16-sy tolyq qalpyna keltirildi, qalǵan 12 avtobýs qańtar aiynyń sońyna deiin qalypty jumys rejimine kóshedi.
Sondai-aq, áýejai men temirjol vokzaldary shtattyq rejimde jumys istep tur.
15 qańtardan bastap qalaaralyq tasymaldar jartylai jańartyldy (Taldyqorǵan, Taraz, Shymkent qalalary).
