Foto: Aǵybai Aiapbergenov/Kazinform
Ǵylym jáne joǵary bilim ministri Saiasat Nurbek Almatyda jappai tóbeles shyǵarǵan úndistandyq stýdentter týraly pikir bildirdi, dep habarlaidy Ult.kz Kazinform-ǵa silteme jasap.
Onyń aitýynsha, janjalǵa tek qana úndistandyq stýdentter qatysqan, qazaqstandyq stýdentterdiń qatysy joq.
Qazirgi ýaqytta Almaty politsiia departamenti tergeý júrgizip jatyr.
— Sol tergeýdiń nátijelerin kútemiz. Úndistan elshiligimen tikelei bailanystamyn, elshimen de sóilestim. Osylaisha, birlesip, janjalǵa qatysqan stýdentterdi deportatsiiaǵa jiberý sheshimin qabyldadyq. Bul bizdiń ishki naqty pozitsiiamyz. Jaqynda Prezidentimiz «Ana tili» gazetine suhbat berdi. Kez kelgen shetelden kelgen azamattar óz elinde qalai zań saqtasa, Qazaqstanda da solai qatań zań saqtaýǵa mindetti. Sondyqtan tergeý sheshimi qandai bolsa da, biz Úndistan elshiligimen birlesip, 6 stýdentti deportatsiiaǵa jiberemiz, — dedi ministr Úkimette ótken brifingte.
Buǵan deiin Atyraý oblysynda tóbelesten 1 adam mert bolyp, 2-eýi aýrýhanaǵa túskenin jazdyq.
