فوتو: اعىباي اياپبەرگەنوۆ/Kazinform
عىلىم جەنە جوعارى بٸلٸم مينيسترٸ ساياسات نۇربەك الماتىدا جاپپاي تٶبەلەس شىعارعان ٷندٸستاندىق ستۋدەنتتەر تۋرالى پٸكٸر بٸلدٸردٸ, دەپ حابارلايدى Ult.kz Kazinform-عا سٸلتەمە جاساپ.
ونىڭ ايتۋىنشا, جانجالعا تەك قانا ٷندٸستاندىق ستۋدەنتتەر قاتىسقان, قازاقستاندىق ستۋدەنتتەردٸڭ قاتىسى جوق.
قازٸرگٸ ۋاقىتتا الماتى پوليتسييا دەپارتامەنتٸ تەرگەۋ جٷرگٸزٸپ جاتىر.
— سول تەرگەۋدٸڭ نەتيجەلەرٸن كٷتەمٸز. ٷندٸستان ەلشٸلٸگٸمەن تٸكەلەي بايلانىستامىن, ەلشٸمەن دە سٶيلەستٸم. وسىلايشا, بٸرلەسٸپ, جانجالعا قاتىسقان ستۋدەنتتەردٸ دەپورتاتسيياعا جٸبەرۋ شەشٸمٸن قابىلدادىق. بۇل بٸزدٸڭ ٸشكٸ ناقتى پوزيتسييامىز. جاقىندا پرەزيدەنتٸمٸز «انا تٸلٸ» گازەتٸنە سۇحبات بەردٸ. كەز كەلگەن شەتەلدەن كەلگەن ازاماتتار ٶز ەلٸندە قالاي زاڭ ساقتاسا, قازاقستاندا دا سولاي قاتاڭ زاڭ ساقتاۋعا مٸندەتتٸ. سوندىقتان تەرگەۋ شەشٸمٸ قانداي بولسا دا, بٸز ٷندٸستان ەلشٸلٸگٸمەن بٸرلەسٸپ, 6 ستۋدەنتتٸ دەپورتاتسيياعا جٸبەرەمٸز, — دەدٸ مينيستر ٷكٸمەتتە ٶتكەن بريفينگتە.
بۇعان دەيٸن اتىراۋ وبلىسىندا تٶبەلەستەن 1 ادام مەرت بولىپ, 2-ەۋٸ اۋرۋحاناعا تٷسكەنٸن جازدىق.
