Almatyda anasy men balasy ýlanyp kóz jumǵan «Palach» dárisin satýǵa tyiym salyndy. Bul týraly Almaty qalasyndaǵy taýarlar men qyzmetterdiń sapasy men qaýipsizdigin baqylaý departamentiniń basshysy Aizat Moldaqasymova málimdedi, dep habarlaidy "Ult aqparat".
«Jándikterdi ýlaityn «Palach» jáne «Fas-dýbldi» satýǵa tyiym salý jóninde sheshim qabyldadyq. Sebebi dál osy zattardan bir otbasy ýlanyp qaldy. Arnaiy sheshim qabyldandy, endi onyń oryndalýyn qamtamasyz etý úshin jáne satylymnan alyp tastaý úshin sheshimdi biz barlyq uiymdarǵa, organdarǵa jiberemiz. Jándikterdi ýlaýǵa arnalǵan «Palach» dárisiniń tórt túri bar. Onyń úsheýi tirkelmegen», - deidi Aizat Moldaqasymova.
Esterińizge sala keteiik, Almatyda qandala dárisinen ýlanyp qalǵan anasy men balasy es jimastan aýrýhanada kóz jumǵan bolatyn.
