Almaty koronavirýs boiynsha «jasyl» aimaqta tursa da jańa jyl keshteri men otyrystaryn ótkizýge tyiym salynady. Bul týraly brifing barysynda Almaty qalasynyń bas sanitar dárigeri Jandarbek Bekshin málim etti, dep habarlaidy QazAqparat.
«Biz «qyzyl», «sary», «jasyl» aimaqta bolsaq ta, ujymdyq keshterge tyiym salynady. Búgingi kúni virýs juqtyrý jaǵdaiy saqtalýda. Tipti, «jasyl» aimaqta bolsaq ta bir táýlikte 120- 130 adamnan koronavirýs anyqtalyp jatyr. Eger ujymdyq sharalardy ótkizetin bolsaq, biz birden «sary» emes «qyzyl» aimaqqa oralamyz. Bizdiń maqsatymyz karantin sharalaryn saqtaýdy odan ári jalǵastyrý», - deidi Jandarbek Bekshin.
Sonymen qatar, ol mektepke deiingi mekemelerde de erteńgilik ótpeitinin tilge tiek etti.
«Balabaqshalarda jańajyldyq erteńgilikter ótkizýge bolmaidy. Bul toptar arasynda virýs juqtyrý qaýpin týdyrady», - dedi ol.
