Almatyda janarmai quiý beketinde belgisiz bireý er adamdy uryp tastady. Kúdikti ustaldy, dep habarlaidy "Ult aqparat".
Soqqyǵa jyǵylyp, bet-aýzy qanǵa boialǵan er adamnyń videosy áleýmettik jelide paida boldy.
Beinejazba avtorynyń aitýynsha, oqiǵa 6 shilde keshki saǵat 20:00 kezinde B. Momyshuly kóshesimen Rysqulov dańǵylyna jetpei, Roial Petrol janarmai beketinde bolǵan.
Eki jigit kezekti uzaq kúttirip qoiǵan júrgizýshini soqqyǵa jyǵyp, kóligine otyryp ketip qalǵan.
Qalalyq politsiia departamentiniń baspasóz qyzmeti bul fakt sotqa deiingi tergeýdiń biryńǵai tizilimine QR QK 293-baby boiynsha tirkelgenin málim etti.
«33 jastaǵy er adamdy urdy degen kúdikpen 2001 jyly týǵan Sh. esimdi azamat ustaldy. Jábirlenýshige alǵan dene jaraqatynyń aýyrlyǵyn anyqtaý úshin sot-meditsinalyq saraptama taǵaiyndaldy, onyń nátijiesi boiynsha protsessýaldyq sheshim qabyldanady», - dep habarlady politsiiadan.
