Almatyda jańadan ashylǵan modýldik ortalyqtaǵy KT apparattyń nege istemei turǵany anyqtaldy. Bul týraly qalalyq Qoǵamdyq densaýlyq basqarmasynyń basshysy Kamaljan Nadyrov aitty, dep habarlaidy "Ult aqparat".
«KT apparat shynymen isten shyqty. Infektsiialyq statsionarda qazir tsifrlyq rentgen apparat bar. Jaqyn arada KT apparatqa aýystyrýǵa tiisti bólshekteri jetkiziletin bolady», - dedi Kamaljan Nadyrov.
Basqarma basshysy dárigerdiń nuqsaýynsyz KT apparatyna túsýge bolmaitynyn aitty.
«Kompiýterlik tomografiia – ol da sáýleli terapiiaǵa jatady. Sondyqtan, oǵan qajettiliksiz túse berýge bolmaidy. Mindetti túrde dárigerlerdiń usynysy kerek», - dedi ol.
