Almatyda jańa turǵyn úilerde áleýmettik nysandardyń ornalasýyna talap qoiylatyn bolady. Bul týraly búgin brifing barysynda qala ákiminiń orynbasary Muhit Ázirbaev aitty, dep habarlaidy QazAqparat.
Jańa talaptar sport sektsiialary, kitaphana, meditsinalyq ambýlatoriialarǵa qatysty bolmaq.
«Jańa salynyp jatqan turǵyn úilerde turǵyndardyń talaby eskerilýin qalaimyz. Osyǵan qatysty zań normasyn qaita qaradyq. Endi jańadan salynyp jatqan aýdandardaǵy turǵyn úilerde áleýmetik nysandardyń ashylýy mindetti bolady», - dedi Muhit Ázirbaev.
Mundai nysandarǵa sondai-aq, mektepke deiingi jáne qosymsha bilim berý nysandary kiredi.
«Jańadan boi kóterip jatqan aýdandarda balabaqsha, mektepter qurylysy jolǵa qoiylǵan. Bul durys. Tipti shaǵyn marketter, turmystyq qyzmet ortalyqtary da bar. Biraq, bul jetkiliksiz», - dedi ákimniń orynbasary.
Onyń aitýynsha, jańa úilerde budan bylai sport sektsiialary, kitaphana, meditsinalyq ambýlatoriia nysandaryn ashý boiynsha jańa talaptar bekitiletin bolady.
