الماتىدا جاڭا تۇرعىن ٷيلەردە ەلەۋمەتتٸك نىسانداردىڭ ورنالاسۋىنا تالاپ قويىلاتىن بولادى. بۇل تۋرالى بٷگٸن بريفينگ بارىسىندا قالا ەكٸمٸنٸڭ ورىنباسارى مۇحيت ەزٸرباەۆ ايتتى, دەپ حابارلايدى قازاقپارات.
جاڭا تالاپتار سپورت سەكتسييالارى, كٸتاپحانا, مەديتسينالىق امبۋلاتورييالارعا قاتىستى بولماق.
«جاڭا سالىنىپ جاتقان تۇرعىن ٷيلەردە تۇرعىنداردىڭ تالابى ەسكەرٸلۋٸن قالايمىز. وسىعان قاتىستى زاڭ نورماسىن قايتا قارادىق. ەندٸ جاڭادان سالىنىپ جاتقان اۋداندارداعى تۇرعىن ٷيلەردە ەلەۋمەتٸك نىسانداردىڭ اشىلۋى مٸندەتتٸ بولادى», - دەدٸ مۇحيت ەزٸرباەۆ.
مۇنداي نىساندارعا سونداي-اق, مەكتەپكە دەيٸنگٸ جەنە قوسىمشا بٸلٸم بەرۋ نىساندارى كٸرەدٸ.
«جاڭادان بوي كٶتەرٸپ جاتقان اۋدانداردا بالاباقشا, مەكتەپتەر قۇرىلىسى جولعا قويىلعان. بۇل دۇرىس. تٸپتٸ شاعىن ماركەتتەر, تۇرمىستىق قىزمەت ورتالىقتارى دا بار. بٸراق, بۇل جەتكٸلٸكسٸز», - دەدٸ ەكٸمنٸڭ ورىنباسارى.
ونىڭ ايتۋىنشا, جاڭا ٷيلەردە بۇدان بىلاي سپورت سەكتسييالارى, كٸتاپحانا, مەديتسينالىق امبۋلاتورييا نىساندارىن اشۋ بويىنشا جاڭا تالاپتار بەكٸتٸلەتٸن بولادى.
