Almatyda De Montfort University Kazakhstan halyqaralyq ýniversiteti ashyldy, dep habarlaidy QazAqparat.
Almaty ákimi De Montfort University Kazakhstan ýniversitetiniń rektory Djeims Paýndermen kezdesti. Taraptar jumystyń perspektivalyq josparlaryn talqylady.
Máselen, oqý baǵdarlamasyna IT, kreativti indýstriia boiynsha mamandyqtar engiziledi.
Bul baǵyttarǵa Almatynyń 2050 jylǵa deiingi damý strategiiasynda erekshe kóńil bólingen.
Bul Qazaqstanda oqytýǵa litsenziia alǵan jáne úzdik bilim berý standartyn engizý úshin qurylǵan alǵashqy sheteldik ýniversitet.
Túlekterge DMU Lester Ýniversiteti (Ulybritaniia) dárejesi beriledi.
«Bizdiń jastarymyz Almatydan ketpei-aq bedeldi joǵary oqý ornynda joǵary bilim alý múmkindigine ie bolady. Qyzyǵýshylyq bildirgender az emes. Birinshi kýrsqa 700 talapker úmitker boldy. Bakalavriatqa 145 stýdent tústi. Kelesi jyldan bastap magistratýra ashylady», - dep atap ótti Baqytjan Saǵyntaev.
Jańadan ashylǵan JOO-da oqytý dárister, beiresmi seminarlar, praktikalyq sabaqtar, master-klastar, pikirtalastar jáne onlain oqytý arqyly júzege asyrylady.
Sabaqtardy halyqaralyq deńgeidegi joǵary bilikti oqytýshylar ótkizedi.
Oqytýda bolashaq menedjerler men kásipkerlerdiń praktikalyq daǵdylaryn tereńdetip damytýǵa yqpal etetin naqty biznes-keister men oqý tásilderi qoldanylady.
Jalpy, ýniversitet Almatyda 20 mln dollar investitsiiamen álemdik deńgeidegi jeke kampýstyń qurylysyn bastaýǵa niet bildirýde.
