Foto: inbusiness.kz
Jerasty kóligine segiz stantsiia qosylady jáne qala ortalyǵy áýejaiǵa jalǵanady, dep habarlaidy «Ult aqparat» Kolesa.kz-ke silteme jasap.
Jobanyń tehnikalyq qujattamasynda kórsetilgendei, jańa metro jelisi jerasty arqyly ótedi jáne "Jibek Joly" stantsiiasynan Gogol kóshesi boiymen Ortalyq mádeniet jáne demalys saiabaǵyna deiin sozylady, sodan keiin Shyǵys ainalma jol arqyly Qulja tasjolyna ótedi de, áýejaiǵa qarai burylady.
Bul jeliniń stantsiialary kelesi mekenjailarda ornalasady:
№ 1 — "Jibek Joly" stantsiiasynyń janynda, Nazarbaev dańǵylynyń shyǵysynda, birinshi jelige aýysýǵa bolady;
№ 2 — Ortalyq mádeniet jáne demalys saiabaǵynyń mańynda;
№ 3 — Qumai kóshesiniń Shyǵys ainalma jolmen qiylysqan jerinde;
№ 4 — "Halyq Arena" sport kesheniniń janynda;
№ 5 — "Jetisý" bazarynyń qarsysynda, "Vostochnyi" torabynyń aýmaǵynda;
№ 6 — "Aport-2" saýda ortalyǵy men avtosalonnyń janynda;
№ 7 — Nurshashqan yqshamaýdanynyń mańynda;
№ 8 — Áýejaidyń janynda.
elektrodepo — 7-stantsiianyń soltústiginde.
Eki jolaqty jeliniń uzyndyǵy — 14 km.
Qazir joba boiynsha tehnikalyq-ekonomikalyq negizdeme ázirleýge konkýrs jariialandy. Negizdeme 2025 jylǵy qyrkúiekke deiin aiaqtalýǵa tiis. Jańa metro jelisiniń qurylysy 2027 jyly bastalýy múmkin. Sol ýaqytta qurylysshylar qazirgi jelini "Altyn Orda" bazaryna deiin sozý jumystaryn aiaqtaidy.
