Almatyda jalǵyzbasty analardy aldaǵan alaiaq áiel ustaldy. Almaty politsiiasy, alaiaqtyq faktisi boiynsha Almaty oblysy Qarsai aýdanynyń turǵyny 47 jastaǵy O. atty azamatshaǵa qatysty sotqa deiingi tergeý amaldaryn bastady, – dep habarlaidy «Ult aqparat» Almaty qalalyq PD Áýezov aýdandyq politsiia basqarmasyna silteme jasap.
«Negizinen ol memleketten jalǵyzbasty analarǵa kómek bar degen syltaýmen 750 myń teńgeden astam aqshany iemdengen. Shyndyǵynda, kúdikti qalanyń turǵyn úi máselelerin sheshýge eshqandai qatysy joq. Qazirgi ýaqytta kúdiktige qatysty QRQK 2-baby boiynsha sotqa deiingi tergeý bastaldy» deidi atalǵan basqarmanyń bastyǵy Jasulan Turyspaev.
Kúdikti páterge muqtaj jáne aitqan sózge tez senip qalatyn adamdardy óziniń týysy arqyly taýyp otyrǵan. Ol qurbandaryna problemaly páterlerdi satyp alý kezinde «qyzmet» usyna alatyndyǵyn aityp, qajetti aqshanyń bir bóligin alǵannan keiin qaita bailanysqa shyqpaǵan.
