Almatyda jalǵan patrýldik politsiia kóligi anyqtaldy, - dep habarlaidy "Ult aqparat" Polisia.kz saityna silteme jasap.
Jergilikti politsiia qyzmetiniń mamandandyrylǵan batalonynyń ekipajy IIM-niń kórneki quraldary bar Hyundai avtokóligin anyqtaǵan.
"Filmderdiń biriniń ákimshiligi kólikti rekvizit retinde paidalanǵany anyqtaldy. Iaǵni, stsenarii boiynsha filmde patrýldik politsiiamen epizod bar. Ol bul áreketterdiń zańǵa qaishy jáne jaýapkershilikke ákep soǵatyny týraly oilanbastan, politsiianyń qyzmettik kólikteriniń dál kóshirmesin jasaýdy uiǵarǵan. Elestetip kórińizshi, árbir kinorejisser qajet bolǵan jaǵdaida jalǵan rekvizitter, bul jaǵdaida politsiia kóligi, qoldan jasaityn bolsa, haos bolady. Ol kezde jalǵan politseilerge ózderiniń qylmystyq isterin júzege asyrýǵa múmkindik beredi. Jalǵan kólik mamandandyrylǵan aiyppul turaǵyna qoiyldy. Onyń avtorlaryna zań aiasynda shara qoldanyldy", - dedi Almaty qalalyq Politsiia departamenti bastyǵynyń birinshi orynbasary Nurlan Almasbekov.
Sonymen qatar, PD-da osyǵan uqsas derekterge jol berilmeitinin eskertip, árbir mundai epizodqa túbegeili quqyqtyq baǵa beriletinine ýáde berdi.
