Almatyda jalǵan 400 myń AQSh dollary tárkilendi, dep habarlaidy "Ult aqparat" Ulttyq qaýipsizdik komitetiniń baspasóz qyzmetine silteme jasap.
27 maýsymda Almaty qalasnyda QR Ulttyq qaýipsizdik komiteti transulttyq qylmystyq top kómekshisiniń sheteldik valiýta ótkizýiniń jolyn kesti.
«Qylmystyq ortanyń «bedeldisi» ustalyp, odan Almaty qalasy kriminaldyq ainalymǵa arnalǵan jalǵan 400 myń AQSh dollary tabylyp, alyndy. Osy fakt boiynsha Qylmystyq kodekstiń 231-baby 2-bóligi («jalǵan aqsha jáne baǵaly qaǵazdardy ótkizý maqsatynda jasaý, alyp ótý, saqtaý») boiynsha sotqa deiingi tergeý bastaldy.
Kórsetilgen bap boiynsha múlki tárkilenip, bes jyldan on jylǵa deiingi merzimge bas bostandyǵynan aiyrý kózdelgen», delingen habarlamada.
Vedomstvonyń málimetinshe, qylmysker aiybyn moiyndaǵan. Odan basqa, figýrantqa Aqtóbede kásipkerdiń avtomashinasy men jer telimin zańsyz iemdený faktisi boiynsha ózdiginen ielik etý aiyby taǵylyp otyr.
«Alynǵan derekter boiynsha, ustalǵan adam Qyrǵyzstan men Reseidiń «zańdaǵy urylar» atalatyndarymen bailanysta bolǵan. Figýranttyń «urylar qaýymdastyǵy» atalatyndardy qarjylandyrýǵa qatysy jáne ózge de kriminaldyq shemalardy iske asyrý úshin qylmystyq tabysty paidalaný nieti týraly nusqalar tekserilýde.
Uiymdasqan qylmystyń ekonomika salasyna enýi onyń turaqty damýyna kedergi keltirip, kóleńkeli kapitaldyń artýyna yqpal etedi.
Osy sanattaǵy qylmystar azamattarymyzdyń múddelerine qarsy baǵyttalǵan, qarjy júiesine teris áser etip, elimizdiń bedeline nuqsan keltiredi», delingen habarlamada.
UQK málimdeýinshe, qabyldanyp jatqan sharalar memleketimizdiń ekonomikalyq qaýipsizdigi men azamattarymyzdyń ál-aýqatyn qamtamasyz etýge baǵyttalǵan.
