Foto: © Sputnik / Abzal Kaliev
Almatyda 10 000 teńgelik jalǵan banknottardy satýmen ainalysqan bir top adamnyń qylmystyq áreketiniń joly kesildi, - dep habarlaidy "Ult aqparat" Qarjylyq monitoring agenttiginiń baspasóz qyzmetine silteme jasap.
QMA Almaty qalasy boiynsha departamenti júrgizgen tintý barysynda qylmystyq árekettiń zattai aiǵaǵy: jalǵan banknottar, uialy telefondar jáne basqa da zattar tabylyp, tárkilengen.
"Atalǵan fakti boiynsha sotaldy tergeý amaldary júrgizilip jatyr. Bir kúdiktige qatysty "qamaý" túrindegi bultartpaý sharasy sanktsiialandy.
Qazirgi ýaqytta ekinshi kúdiktini ustaý boiynsha jedel-izdestirý sharalary júrgizilýde. Sondai-aq, basqa tulǵalardyń zańsyz áreketterge qatysy anyqtalyp jatyr" - delingen habarlamada.
QR QPK 201-babyna sáikes ózge de málimetter jariia etýge jatpaidy.
