Almatyda jumys isteitin jastarǵa satyp alý quqyǵynsyz úidi jalǵa alý memlekettik baǵdarlamasy boiynsha ótinim qabyldaý bastaldy, – dep habarlaidy «Ult aqparat».
«30 maýsymnan 3 shilde aralyǵynda Almaty qalalyq Turǵyn úi saiasaty 29 jasqa deiingi jumys isteitin jastardan «Nurly jer» memlekettik baǵdarlamasy aiasynda satyp alý quqyǵynsyz jalǵa úi berý baǵytynda qujat qabyldaýdy bastady», - dedi basqarmadan.
Ótinimder men qujattar www.almaty-jastary.kz saity arqyly beriledi. Saittaǵy avtorizatsiia elektrondy qoltańba arqyly júrgiziledi. Bul baǵdarlama boiynsha baspana 5 jylǵa jalǵa beriledi.
Qazir Alataý aýdanyndaǵy 13-shaǵynaýdanda 1 bólmeli páterlerden besinshi pýl jasaqtalǵan. Baǵdarlamaǵa qatysý sharttarymen myna jerden tanysýǵa bolady.
