Almatyda jaǵdaiy aýyr naýqastardyń sany 30 protsetke azaidy. Bul týraly qalalyq qoǵamdyq densaýlyq basqarmasynyń basshysy Qamaljan Nadyrov málimdedi, dep habarlaidy Sputnik Qazaqstan.
"Qazir jumystyń oń nátijesin kórip otyrmyz. Ótken aptada jaǵdaiy aýyr naýqastardyń sany 511-den 309-ǵa deiin tómendedi", - dedi Kamaljan Nadyrov.
Sonymen qatar Nadyrov bul mobildi toptyń qajyrly eńbeginiń arqasynda jasalǵanyn aityp ótti.
"Buǵan deiin jedel járdemge qońyraý soqqan árbir ekinshi adam ORVI men pnevmoniiaǵa bailanysty habarlasatyn. Al qazir jaǵdai ózgerip, bul kórsetkish 25%-ke azaidy",– dedi Nadyrov.
Aita keteiik, Almatyda 8 259 adam koronavirýs infektsiiasyn juqtyrdy, 4 945 adam jazylyp shyqty, 54 adam qaitys boldy.
Qala boiynsha infektsiialyq statsionarlardyń júktemesi – 60%. Koronavirýsty emdeýge 26 meditsina uiymy jumyldyrylǵan. Qalada naýqastarǵa arnalǵan 5 092 tósek-oryn bar.
