Almatyda saiabaqta dostarymen oinap júrip qorshaýǵa órmelegen balany toq soqty. Qazir ol aýrýhanada jatyr, dep habarlaidy QazAqparat.
Qalalyq densaýlyq saqtaý basqarmasynyń málimetinshe, oqýshy aýrýhanaǵa aýyr halde jetkizildi.
«Toqqa túsip qalǵan 2014 jyly týǵan A. esimdi bala jedel járdem brigadasymen ortalyq balalar aýrýhanasyna jetkizildi. Dárigerler oqýshyǵa alǵashqy kómek kórsetip, birden kúiik bólimine jatqyzdy. Jaǵdaiy turaqty, ortasha aýyrlyqta. Protokol boiynsha em alyp jatyr», - dep habarlady densaýlyq saqtaý basqarmasynan.
Belgili bolǵanyndai oqys oqiǵa Alataý aýdanynda bolǵan.
Segiz jasar bala jabdyqtalmaǵan saiabaqta dostarymen oinap júrip qorshaýǵa órmelegen kezde toq soqqan.
Alataý aýdanynyń ákimdigindegiler oiyn alańqaiyn salý máselesi boiynsha jumys istelip jatqanyn málim etti.
«Saiabaqty «Biýdjetke qatysý» baǵdarlamasy boiynsha jańartýdy qarastyryp jatyrmyz. Talap boiynsha, komissiia qarap sheshim qabyldaýy kerek. Sodan keiin, turǵyndar oiyn alańyn salý jobasyna daýys beretin bolady», - deidi Almaty qalasy Alataý aýdany ákimdiginiń kommýnaldyq sharýashylyq bóliminiń meńgerýshisi Ertis Besirov.
