الماتىدا ساياباقتا دوستارىمەن ويناپ جٷرٸپ قورشاۋعا ٶرمەلەگەن بالانى توق سوقتى. قازٸر ول اۋرۋحانادا جاتىر, دەپ حابارلايدى قازاقپارات.
قالالىق دەنساۋلىق ساقتاۋ باسقارماسىنىڭ مەلٸمەتٸنشە, وقۋشى اۋرۋحاناعا اۋىر حالدە جەتكٸزٸلدٸ.
«توققا تٷسٸپ قالعان 2014 جىلى تۋعان ا. ەسٸمدٸ بالا جەدەل جەردەم بريگاداسىمەن ورتالىق بالالار اۋرۋحاناسىنا جەتكٸزٸلدٸ. دەرٸگەرلەر وقۋشىعا العاشقى كٶمەك كٶرسەتٸپ, بٸردەن كٷيٸك بٶلٸمٸنە جاتقىزدى. جاعدايى تۇراقتى, ورتاشا اۋىرلىقتا. پروتوكول بويىنشا ەم الىپ جاتىر», - دەپ حابارلادى دەنساۋلىق ساقتاۋ باسقارماسىنان.
بەلگٸلٸ بولعانىنداي وقىس وقيعا الاتاۋ اۋدانىندا بولعان.
سەگٸز جاسار بالا جابدىقتالماعان ساياباقتا دوستارىمەن ويناپ جٷرٸپ قورشاۋعا ٶرمەلەگەن كەزدە توق سوققان.
الاتاۋ اۋدانىنىڭ ەكٸمدٸگٸندەگٸلەر ويىن الاڭقايىن سالۋ مەسەلەسٸ بويىنشا جۇمىس ٸستەلٸپ جاتقانىن مەلٸم ەتتٸ.
«ساياباقتى «بيۋدجەتكە قاتىسۋ» باعدارلاماسى بويىنشا جاڭارتۋدى قاراستىرىپ جاتىرمىز. تالاپ بويىنشا, كوميسسييا قاراپ شەشٸم قابىلداۋى كەرەك. سودان كەيٸن, تۇرعىندار ويىن الاڭىن سالۋ جوباسىنا داۋىس بەرەتٸن بولادى», - دەيدٸ الماتى قالاسى الاتاۋ اۋدانى ەكٸمدٸگٸنٸڭ كوممۋنالدىق شارۋاشىلىق بٶلٸمٸنٸڭ مەڭگەرۋشٸسٸ ەرتٸس بەسٸروۆ.
