© Sputnik / Abzal Kaliev
Alataý aýdanynyń politseileri zeinet jastaǵy áieldi urǵan er adamdy ustap, bólimshege jetkizdi, dep habarlaidySputnik Qazaqstan.
Aýdandyq prokýratýra usynǵan málimetke sáikes, 50 jastaǵy er adam óziniń týǵan anasyn aiaýsyz urǵan. Zeinetkerdiń jasy – 74-te.
Qazirgi kezde Qylmystyq kodekstiń 107-babynyń birneshe tarmaǵy (Densaýlyqqa qasaqana aýyrlyǵy ortasha ziian keltirý, asa qatygezdikpen jáne buzaqylyq nietpen) boiynsha sotqa deiingi tergeý sharalary bastaldy.
Sot-meditsinalyq saraptama taǵaiyndaldy. Qala prokýrory tergeýdi jeke baqylaýyna aldy.
Busbuzar politsiiaǵa jetkizildi. Prokýrorlar onyń áreketin quqyqtyq baǵa berip, protsessýaldyq sheshim qabyldaidy.
Aita keteri, osy qylmys úshin 2 000 ailyq eseptik kórsetkishke (6 126 000 teńgege) deiingi mólsherde aiyppul salý ne sol mólsherde túzeý jumystary, ia bolmasa, 800 saǵatqa deiingi merzimge qoǵamdyq jumystar ne úsh jylǵa deiingi merzimge bas bostandyǵyn shekteýge nemese sol merzimge bas bostandyǵynan aiyrý jazasy qarastyrylǵan.
