Almatyda Qarǵaly shaǵynaýdanyndaǵy aialdamada 66 jastaǵy áieldi uryp-soqqan 26 jastaǵy er adamǵa sot úkimi shyqty, dep habarlaidy ult.kz.
Oqiǵa 23 sáýirde bolǵan. Er adam esh sebepsiz áieldiń basy men betinen birneshe ret uryp, tepken. Shabýyl sáti beinebaqylaý kamerasyna túsip, áleýmettik jelide taraǵan.
Sot-meditsinalyq saraptama jábirlenýshiniń densaýlyǵyna jeńil ziian kelgenin anyqtady. Sot er adamdy Qylmystyq kodekstiń 108-1-babynyń 2-bóligi boiynsha kináli dep tanyp, bir jylǵa bas bostandyǵynan aiyrdy.
Sondai-aq sottalǵan azamattan jábirlenýshiniń paidasyna 534 348 teńge materialdyq shyǵyn, 500 myń teńge ókil qyzmetine ketken shyǵyn jáne 500 myń teńge moraldyq ziian óndirildi.
Sot qujattaryna sáikes, er adam buǵan deiin de sottalǵan. 2020 jyly ol páterine basyp kirgen eki adammen janjal kezinde olardyń biriniń ólimine sebep bolǵan. Is qajetti qorǵanys sheginen shyǵý retinde saralanyp, oǵan eki jylǵa bas bostandyǵynan aiyrý jazasy taǵaiyndalǵan.
