Jappai tártipsizdik kezinde zardap shekken almatylyq kásipkerlerge «Almaty» áleýmettik-kásipkerlik korporatsiianyń kepildigi nemese jartylai kepildigi arqyly 12 ai merzimge jylyna 2%-ben 10 mln teńgege deiin nesie beriledi. Bul týraly shahar basshysy Baqytjan Saǵyntaev aitty, dep habarlaidy QazAqparat.
Almatyny odan ári damýy jónindegi qalalyq aktiv otyrysynda qala ákimi búlik kezinde zardap shekken biznes ókilderin qoldaý úshin qalalyq «Almaty biznes-2025» baǵdarlamasyna birqatar ózgeris engiziletinin jetkizdi.
«Zardap shekken shaǵyn jáne orta biznes sýbektilerin qoldaý maqsatynda 2%-y kredit taǵaiyndalady. Shekti somasy 10 mln teńgege deiingi kredittiń merzimi 12 ai. Sondai-aq Infokazakhstan.kz portalyna júgingen kásipkerlerdiń krediti men ósimpuly 180 kúnge deiin shegeriledi. Búkil kásipkerlerdi qoldaý maqsatynda jarty jylǵa deiin kredit berýdiń joǵary shegi saqtalady. Oǵan qosa kepilsiz kredittiń jyldyq mólsherlemesi tómendeidi, iaǵni 12 paiyzdan 9%-ǵa deiin»,- dedi Baqytjan Saǵyntaev.
