Almatyda zardap shekken shaǵyn jáne orta biznes sýbektilerine qoldaý kórsetiledi. Bul týraly qala ákimi Baqytjan Saǵyntaev aktiv otyrysynda málimdedi, dep habarlaidy QazAqparat.
Almaty ákimi Baqytjan Saǵyntaevtyń aitýynsha, ákimdik ShOB sýbektilerine qarjylyq jáne basqa da qoldaý kórsetedi.
«Biz zardap shekken shaǵyn jáne orta biznes sýbektilerin 3 aiǵa kommýnaldyq shyǵyndardan bosatamyz. Iaǵni, zardap shekken biznestiń kommýnaldyq shyǵyndary jergilikti biýdjet esebinen jabylady. ShOB sýbektilerin kommýnaldyq nysandardy jalǵa alý aqysynan 6 ai merzimge bosatamyz. Biraq, bul másele ár nysanmen jeke sheshiledi. Qazir jalǵa berýshilermen zardap shekken bizneske jeńildikter boiynsha kelissóz júrgizip jatyrmyz», - dedi Almaty ákimi.
Qazirgi ýaqytta «Silk way», «Passaj», «TsÝM» saýda ortalyqtary zardap shekkenderdi jaldaý aqysyn tóleýden bosatýǵa daiyn ekenderin rastady.
