Almaty ákimi Baqytjan Saǵyntaev shabýyl men tonaýǵa ushyraǵan shaǵyn jáne orta biznes nysandaryn aralady, dep habarlaidy QazAqparat.
Qala ákimi satý jáne servis oryndarynyń ielerimen, Promenade, MOSKVA Metropolitan, Asia Park, «12 ai» saýda ortalyqtarynyń basqarýshy direktorlarymen kezdesip, áńgimelesti. Kásipkerler qala ákimine ákimdiktiń Úkimet komissiiasy jáne «Atameken» UKP-men birlesip sheshýi qajet birqatar máselelerdi aitty.
Almaty ákimi búlikshiler qurylys quraldaryn basyp alǵan «12 ai» dúkenin aralap kórdi.
Almatyda saýda ortalyqtaryn, qarý-jaraq dúkenderin, bankterdi tonaýda jáne azamattarǵa shabýyl jasaýda balta, balǵa, ara, tegisteýish jáne basqa da quraldar qoldanylǵany belgili boldy.
Sonymen qatar, ákim Das auto servisi tehnikalyq qyzmet kórsetý stantsiiasynyń ielerimen kezdesti. Munda klientterdiń 9 avtokóligi órtenip ketken.
Baqytjan Saǵyntaev politsiia departamentine tergeý is-sharalaryn jedeldetýdi tapsyrdy. Sondai-aq, qala ákimi kásipkerlerdi Memleket basshysynyń tapsyrmasyna sáikes shaǵyn jáne orta bizneske qajetti kómek kórsetiletinine sendirdi.
ShOB-ke keltirilgen zalaldy baǵalaý jónindegi qalalyq komissiia qalanyń kásipkerler palatasymen birlesip, zalal kólemi men ótemaqy somasyn esepteý tetikteriniń ashyqtyǵyn qamtamasyz etetin bolady.
