Almatyda zańsyz salynǵan saýda nysany kúreldi, dep habarlaidy "Ult aqparat".
Almaty qalalyq sáýlet-qurylys baqylaý basqarmasy Seifýllin dańǵylyndaǵy 462-úide ornalasqan saýda nysanyna tekserý júrgizilgenin habarlady.
«Biz nysanyń jer zańnamasyna sáikestigin tekserdik. Nátijiesinde menshik iesinde qajetti ruqsat qujaty bolmai shyqty. Quqyq buzýshyǵa qatysty ákimshilik sharalar qoldanylyp, joiý týraly hattama toltyryldy», - dep atap ótti basqarmadaǵylar.
Zańsyz salynǵan nysandy buzý sottyń sheshimimen júzege asyryldy.
«Nysan iesi óz erkimen saýda núktesin buzǵan joq. Soǵan bailanysty biz Almaty qalasynyń mamandandyrylǵan aýdanaralyq ekonomikalyq sotyna aryz túsirdik. Sottyń sheshimimen talap aryz qanaǵattandyryldy. Nysan sot oryndaýshylarynyń qatysýmen kúreldi», - dep tolyqtyrdy vedomstvadan.
Eske sala ketsek, buǵan deiin qaladaǵy Qarasai batyr men Áitiev kósheleriniń qiylysyndaǵy kólik jýý orny men birneshe kommertsiialyq nysan buzylǵany jónende jazǵan bolatynbyz.
