Jyl basynan beri Almatydaǵy qurylys nysandarynda 600-den astam jospardan tys tekserý júrgizildi.
Almatyda qala ákimi Darhan Satybaldy tapsyrmasy aiasynda qala qurylysy salasyndaǵy baqylaý men zańsyz qurylys nysandaryn anyqtaý jumystary kúsheitilýde.
Jalpy, 2026 jyly 658 jospardan tys tekserý júrgizilip, onyń qorytyndysy boiynsha ákimshilik sharalar qabyldanyp, qurylys normalaryn buzýshylyqtardy joiý týraly 261 nusqama berildi. Bul týraly qalalyq qala qurylysy baqylaý basqarmasy habarlady.
Foto: Almaty qalasy ákimdigi
Vedomstvo málimetinshe, qazirgi tańda sottarda qurylys normalary men zań talaptaryn buzý faktileri boiynsha 37 talap-aryz qaralýda. Onyń ishinde 24 is nysandardy buzý máselesine qatysty.
Jyl basynan beri Almatyda 36 nysan tolyq nemese ishinara súrilgen. Sonymen qatar, zańsyz qurylystardy buzý boiynsha 74 atqarýshylyq paraq ádilet departamentiniń óndirisinde jatyr.
