Almatyda sot oryndaýshysy ǵimaratty buzý kezinde soqqyǵa jyǵyldy, - dep habarlaidy Tengrinews.kz.
Oqiǵa videoǵa túsirilip, áleýmettik jeliler men messendjerlerde tarap ketti. Kadrdan aýlada turǵan eresek er adam men eki politsiia qyzmetkerin jáne birneshe turǵyndy kórýge bolady. Bir mezette oǵan er adamdardyń biri kelip, búirek tusynan soqqy berdi.
Almaty qalasy jeke sot oryndaýshylar palatasynynyń habaryna qaraǵanda, oqiǵa 4 qazanda bolǵan. Zardap shekken qyzmetker nysandy buzý kezinde soqqy kórgen.
"Politsiia qyzmetkerleriniń janynda belgisiz bireýler sot oryndaýshysyna qysym jasai bastady. Olar sot oryndaýshysyna óz mindetin oryndaýǵa tyiym salyp, qorqytýǵa tyrysqan. Sot oryndaýshysy atalǵan derek boiynsha qylmystyq is qozǵaý týraly tiisti aryz jazdy", - dedi Almaty qalasy jeke sot oryndaýshylar palatasy.
