Almatyda Naýryzbai aýdanynda shaǵyn jáne orta biznes ókilderi úshin qyzmet kórsetý ortalyǵy ashylady, dep habarlaidy "Ult aqparat".
Ǵimarat Shuǵyla shaǵyn aýdany, 347/1 mekenjaiynda ornalasqan.
Mundai sheshimdi QR Prezidentiniń janyndaǵy tótenshe jaǵdaidy qamtamasyz etý jónindegi memlekettik komissiia qabyldady. Komissiia 20 sáýirden bastap Nur-Sultan jáne Almaty qalalarynda jumysyn jandandyratyn qyzmet túrleriniń tizimin bekitti. Oǵan sáikes Almatyda zańdy tulǵalarǵa qyzmet kórsetý úshin bir HQO-ny ashý týraly sheshim qabyldandy.
Dúisenbiden jumaǵa deiin saǵat 9.00-16.00 aralyǵynda kásipkerler HQO-da biznesti júrgizýmen bailanysty qyzmetterdi, sonyń ishinde jyljymaly/jyljymaityn múliktiń kepil shartyn jáne onyń qosymshasyn tirkei alady. Olarǵa qyzmet kórsetý úshin front-ofiste 20-ǵa jýyq maman jumys isteidi.
Ortalyqta adamdardyń kóp jinalýyn boldyrmaý úshin HQO tek Almaty ákimdiginen aldyn-ala berilgen, nesielendirý boiynsha oń sheshim alǵan uiymdardyń tizimine sáikes jumys isteidi. Azamattarǵa arnalǵan úkimet memlekettik qyzmetterdiń ýaqytyly ári sapaly kórsetilýi úshin biznes ókilderinen qujattardyń tolyq paketin birden usynýǵa keńes beredi.
Sanitarlyq-epidemiologiialyq rejimdi saqtaý maqsatynda memlekettik korporatsiia qyzmetkerleri maskalarmen, qolǵaptarmen, antiseptiktermen qamtamasyz etilgen. HQO-ǵa barýshylar betperde kiiý tártibin saqtaýlary shart.
