Sýret: videodan skrinshot
Almatyda memleket jáne qoǵam qairatkeri Zamanbek Nurqadilovti eske alýǵa arnalǵan memorialdy taqta ornatyldy, dep habarlaidy "Ult aqparat" 24kz arnasyna silteme jasap.
Eskertkish taqta Nurqadilovtiń buryn turǵan úiine ornatyldy. Ashylý saltanatyna onyń birinshi jary Nurbike Nurqadilova men uly Qairat Nurqadilov qatysty.
"Birneshe saǵat buryn ákeme arnalǵan eskertkish taqta ornatyldy. Biz qatty qýanyshtymyz. Qandaida bir ózgeris bolyp jatqanyna rizamyz. Anam men aǵam dizainyn jasap, jaqsy sýretin tańdap qoidyq. Bul otbasymyz úshin mańyzdy dúnie. Shyndyq birnidep ashylady dep oilaimyn", – dedi Quralai Nurqadilova.
Zamanbek Nurqadilov 2005 jyly 12 qarashada qaiǵyly jaǵdaida qaza tapqan edi. Uzaq jyldar boiy qazaqstandyqtar onyń ólimine qatysty tergeýdi qaita qaraýdy talap etip keledi. Týystary onyń Nurqadilovtiń arnaiy tapsyryspen óltirilgenine senimdi.
