Almatydaǵy ákimshilik quqyq buzýshylyqtar jónindegi mamandandyrylǵan aýdanaralyq soty "HALAL-HOLDINQ" JShS-in tiisti akkreditatsiiasyz "halal" sertifikattaryn bergeni úshin ákimshilik jaýapkershilikke tartty, dep habarlaidy ult.kz.
Sot málimetinshe, kompaniia ónimder men qyzmetterdiń "halal" talaptaryna, onyń ishinde OIC/SMIIC halyqaralyq standarttaryna sáikestigin rastaityn qujattardy qajetti ruqsatsyz rásimdep kelgen. Is materialdaryna sáikes, mundai sertifikattar birqatar kásipkerlik sýbektilerine berilgen.
Sot qaýlysynda bul qujattardyń kásipkerler tarapynan kommertsiialyq qyzmette paidalanylǵany, iaǵni tutynýshylardyń senimine, seriktestermen qarym-qatynasqa jáne kompaniialardyń iskerlik bedeline tikelei áser etkeni aitylǵan.
Tekserý barysynda "HALAL-HOLDINQ" JShS-iniń ulttyq akkreditteý júiesinde tirkelmegeni jáne qoldanystaǵy akkreditatsiia attestaty bolmaǵany anyqtaldy.
Kompaniia direktory Almagúl Ábildinova sot otyrysynda quqyq buzýshylyqty moiyndap, is materialdaryndaǵy derekterdi rastaǵan. Nátijesinde seriktestikke 25 AEK, iaǵni 108 125 teńge kóleminde aiyppul salyndy.
Buǵan deiin zańdy kúshi joq "halal" sertifikattaryn paidalanyp kelgen myńdaǵan kásipker týraly aqparat taraǵan bolatyn.
