Almatyda áigili «Kino» tobynyń ánshisi Viktor Tsoiǵa eskertkish ashyldy, dep habarlaidy QazAqparat tilshisi.
Ánshiniń qoladan jasalǵan músini búgin 21-shildede Viktor Tsoidyń týǵan kúninde ashyldy.
Eskertkish «Ine» filminiń túsirilim jumystary júrgizilgen jerge qoiyldy.
Adam boiymen birdei jasalǵan músin asa biik emes tuǵyrnamaǵa qoiylǵan. Syrttaǵy adamǵa ol oilanyp bara jatqan adamǵa uqsaidy.
Aita ketý kerek, munyń aldynda «Igla», «Iia-Hha» filmderiniń rejisseri Rashid Nuǵmanov Viktor Tsoi týraly nege film túsirmei júrgenin aitqan bolatyn.
«Óitkeni eń jaqsy biletin adamyń týraly kino túsirý, óziń týraly týyndy túsirýmen birdei. Ol óte qiyn. Akterlardyń oiyny kezinde munyń bári ótirik ekenin ishtei uǵynasyń. Jaqsy nárse shyǵarý úshin ol nársemen jete tanys bolmaý kerek dep oilaimyn», - degen edi ol baspasóz máslihatynda.
Viktor Tsoi 1962 jyly 21 maýsymda týǵan. 15 jasynda ol úlgerimi nashar bolǵasyn Serov atyndaǵy kórkemóner mektebinen shyǵyp qalǵan.
Ár jyldary ol túrli mýzykalyq ujymdarda jumys istegen. 1981 jyly ol úsh serigimen «Garin i Giperboloidy» degen top qurǵan. Keiin serikteriniń biri áskerge shaqyrylǵan soń top atyn «Kino» dep ózgertti.
