الماتىدا ەيگٸلٸ «كينو» توبىنىڭ ەنشٸسٸ ۆيكتور تسويعا ەسكەرتكٸش اشىلدى, دەپ حابارلايدى قازاقپارات تٸلشٸسٸ.
ەنشٸنٸڭ قولادان جاسالعان مٷسٸنٸ بٷگٸن 21-شٸلدەدە ۆيكتور تسويدىڭ تۋعان كٷنٸندە اشىلدى.
ەسكەرتكٸش «ينە» فيلمٸنٸڭ تٷسٸرٸلٸم جۇمىستارى جٷرگٸزٸلگەن جەرگە قويىلدى.
ادام بويىمەن بٸردەي جاسالعان مٷسٸن اسا بيٸك ەمەس تۇعىرناماعا قويىلعان. سىرتتاعى ادامعا ول ويلانىپ بارا جاتقان ادامعا ۇقسايدى.
ايتا كەتۋ كەرەك, مۇنىڭ الدىندا «يگلا», «ييا-ححا» فيلمدەرٸنٸڭ رەجيسسەرٸ راشيد نۇعمانوۆ ۆيكتور تسوي تۋرالى نەگە فيلم تٷسٸرمەي جٷرگەنٸن ايتقان بولاتىن.
«ٶيتكەنٸ ەڭ جاقسى بٸلەتٸن ادامىڭ تۋرالى كينو تٷسٸرۋ, ٶزٸڭ تۋرالى تۋىندى تٷسٸرۋمەن بٸردەي. ول ٶتە قيىن. اكتەرلاردىڭ ويىنى كەزٸندە مۇنىڭ بەرٸ ٶتٸرٸك ەكەنٸن ٸشتەي ۇعىناسىڭ. جاقسى نەرسە شىعارۋ ٷشٸن ول نەرسەمەن جەتە تانىس بولماۋ كەرەك دەپ ويلايمىن», - دەگەن ەدٸ ول باسپاسٶز مەسليحاتىندا.
ۆيكتور تسوي 1962 جىلى 21 ماۋسىمدا تۋعان. 15 جاسىندا ول ٷلگەرٸمٸ ناشار بولعاسىن سەروۆ اتىنداعى كٶركەمٶنەر مەكتەبٸنەن شىعىپ قالعان.
ەر جىلدارى ول تٷرلٸ مۋزىكالىق ۇجىمداردا جۇمىس ٸستەگەن. 1981 جىلى ول ٷش سەرٸگٸمەن «گارين ي گيپەربولويدى» دەگەن توپ قۇرعان. كەيٸن سەرٸكتەرٸنٸڭ بٸرٸ ەسكەرگە شاقىرىلعان سوڭ توپ اتىن «كينو» دەپ ٶزگەرتتٸ.
