Almaty qalasynda bir táýlikte 4 436 adam koronavirýsqa qarsy vaktsina saldyrdy. Bul týraly qalalyq Qoǵamdyq densaýlyq saqtaý basqarmasynan málim etti, dep habarlaidy QazAqparat.
«12 qazan kúni 4 436 almatylyq vaktsina saldyrdy. Koronavirýsqa qarsy ekpeniń I komponentin – 1764, II komponentin 2 672 adam aldy. Vaktsina saldyrǵandar sany boiynsha Almaty qalasy aldyńǵy orynda. Biylǵy jyldyń 1 aqpany men 11 qazany aralyǵynda qalada 971 283 turǵyn vaktsinanyń birinshi komponentin, 902 062 adam ekinshi komponentin saldyrǵan. Olardyń ishinde 119 523 adamnyń jasy 60-tan asqan»,- dep habarlady basqarmadan.
Qalada 160 pýnkt jumys istep tur. 1 028 adamnan turatyn 237 egý brigadasy bar.
«Qazir meditsina uiymdarynda, mektepterde, mádeniet, sport obektilerinde, bazarlar men qalanyń saýda, oiyn-saýyq ortalyqtarynda vaktsinatsiia pýnkteri jumys isteidi», - dep naqtylady Qoǵamdyq densaýlyq saqtaý basqarmasynyń baspasóz qyzmetinen.
