Ulttyq qaýipsizdik komiteti jáne Ishki ister ministrligi Almatyda arnaiy operatsiia júrgizdi. Uiymdasqan qylmystyq top kóshbasshylary men músheleri, sondai-aq politsiia polkovnigi ustaldy, dep habarlaidy "Ult aqparat" QR UQK baspasóz qyzmetine silteme jasap.
«29 mamyrdan 30-na qaraǵan túni Almatyda Ulttyq qaýipsizdik komiteti Ishki ister ministrligimen birlesip kásipkerlerden aqsha bopsalaý, QR men QHR memlekettik shekarasy arqyly kontrabanda kanaldaryn uiymdastyrý jáne adam urlaý, tapsyryspen adam óltirýdi qosa alǵanda, basqa da qylmystarmen ainalysqan uiymdasqan qylmystyq toptyń jolyn kesý úshin arnaiy operatsiia júrgizdi», - dep málimdedi QR UQK baspasóz qyzmetinen.
Jedel izdestirý sharalary kezinde qylmystyq toptyń kóshbasshylary men belsendi músheleri ustaldy. Olardan kóptegen qarý men oq-dári tárkilendi. Buǵan qosa, olarmen qosa Almaty qalasy IID Áýezov aýdany IIB burynǵy basshysy, politsiia polkovnigi B.Qasabekov te qolǵa tústi. UQK málimetinshe, onyń atalǵan qylmystyq toptyń kóshbasshylarymen bailanysy bolǵan.
Tergeý nátijeleri týraly keiinirek qosymsha habarlanady.
