Almatyda úiden órt shyǵyp, eki adam mert boldy, dep habarlaidy "Ult aqparat".
Oqys oqiǵa 12 sáýir kúni Medeý aýdanynda bolǵan. Órt sóndirý qyzmetine Sazanovskaia kóshesindegi № 68 úidiń janyp jatqany jóninde habar saǵat 21:08 – de túsken.
«Órt sóndirý bólimi órt shyqqan jerden 1,5 km qashyqtyqta ornalasqan. Sondyqtan alǵashqy brigada 5 minýtta jetti. Osy ýaqytta úi otqa oranyp úlgergen. Qutqarýshylar janyp jatqan úiden eki adamdy alyp shyqty. Olar 1998 jyly týǵan er adam jáne 1989 jyly týǵan áiel adam»,– dep habarlaidy qalalyq TJD baspasóz qyzmeti.
Ekeýide birden dárigerlerdiń qolyna tabystalǵanmen, aman alyp qalý múmkin bolmady.
Órt 15 minýt ishinde sóndirildi. Qyzyl jalyn 60 sharshy metr aýmaqty sharpyǵan. Qyzyl jalyndy aýyzdyqtaýǵa 21 órt sóndirýshi men 4 tehnika jumyldyryldy.
