Búgin Almaty mańynda Talǵar aýdanynda jolaýshylar ushaǵy apatqa ushyraǵan edi, dep habarlaidy QazAqparat.
Qalanyń barlyq shuǵyl qyzmetteri ushaq apaty bolǵan jerde jumys istep jatyr.
Qazir apat bolǵan jerde adam qarasy kóp. Onyń ishinde qalanyń jedel qyzmetterinen bólek, jýrnalister, aýyl turǵyndary da bar.
Qutqarý jumystary jalǵasyp jatyr. Jergilikti joldardyń tarlyǵynan keibir jedel járdem kólikteri óte almai jatyr.
Politsiia men Ulttyq ulan sarbazdary qorshaý aimaǵyn úlkeitip jatyr.
Aita keteiik, búgin tańda Almatydan Nur-Sultan qalasyna ushyp shyqqan ushaq radardan joǵalyp ketti.
Keiin 95 jolaýshysy jáne 5 ekipaj múshesi bar ushaqtyń apatqa ushyraǵany málim boldy. Oqiǵanyń mán-jaiyn anyqtaý úshin ushaq qulaǵan aýmaqqa arnaiy komissiia ushyp shyqty. Osy apatqa qatysty shuǵyl jeli iske qosylǵan.
QR Prezidenti Qasym-Jomart Toqaev ushaq apatyna kináliler zańǵa sáikes qatań jazalanatynyn málimdedi. Elbasy Nur-Sultan Nazarbaev jolaýshylar ushaǵynyń apatqa ushyraýyna bailanysty kóńil aitty.
