Almatyda politsiia jeńil kólikti jaiaý júrginshilerge arnalǵan jolda qýyp júrip ustady, dep habarlaidy "Ult aqparat".
Bul týraly video áleýmettik jelide jariialandy.
Instagram jelisindegi birneshe videoda jeńil kólik júrgizýshisi politsiianyń talabyna baǵynbai, jol erejesin óreskel buzyp, politsiiadan qashqany túsip qalǵan.
Beinekadrda júrgizýshi Arbat kóshesine shyǵyp ketken. Politseiler kóliktiń izine túsken.
Qalalyq Politsiia departamenti baspasóz qyzmetiniń habarlaýynsha, patrýldik politsiia polkiniń qyzmetkerleri Jetisý aýdanynda urlanǵan «Toyota» kóliginiń izine túsken.
«Toqta degen talapty júrgizýshi elemegen. Arbattaǵy jaiaý júrginshiler jolyna shyǵyp ketti. Abyroi bolǵanda, adamdar japa shekken joq. «Býran-080» ekipajy urlanǵan kólikti jan-jaǵynan qorshap toqtatty. Kólikti urlaǵan adam ustaldy. Qazir politsiia istiń mán-jaiyn anyqtap jatyr», - dedi Politsiia departamentiń baspasóz qyzmeti.
