Almatyda Ujymdyq qaýipsizdik týraly shart uiymy múshe elderiniń Syrtqy ister ministrleri bas qosyp jatyr, dep habarlaidy QazAqparat tilshisi.
Syrtqy ister ministrler keńesiniń kezekti otyrysy QR SIM basshysy Qairat Ábdirahmanovtyń tóraǵalyǵymen ashyldy.
QR SIM basshysy RF Syrtqy ister ministri Sergei Lavrovty Resei kúnimen, fýtboldan álem chempionatynyń ashylýymen quttyqtady.
Sonymen qatar, Qairat Ábdirahmanov armian ókili Zograb Mnatsakaniandy jańa qyzmetimen quttyqtady.
«Sizder qaýyrt sharýalaryńyzǵa qaramastan Almatydaǵy sharaǵa kelip qatysyp jatqandaryńyzǵa alǵys bildiremin. Jumystaryńyzǵa sáttilik tileimin», - dedi Qairat Ábdirahmanov.
Basqosý kúntizbesinde 12 másele qarastyrylady.
Ministrler uiym janyndaǵy syrtqy saiasat máseleleri boiynsha úilestirýdi, sondai-aq halyqaralyq jáne aimaqtyq qaýipsizdiktiń ózekti máselelerin talqylamaq. Kezdesý barysynda delegattar transshekaralyq syn-qaterler, birinshi kezekte terroristik uiymdar tarapynan bolatyn qaýip-qaterlerge qarsylyq kórsetý boiynsha tájiribe almasty.
Sonymen qatar, ministrler Ujymdyq qaýipsizdik týraly shart uiymynyń arnaiy jol kartasynda belgilengen «BUU halyqaralyq beibitshilik qyzmetin damytý múddesinde (2018-2021 jyldarǵa arnalǵan) UQShU beibitshilik týdyrý áleýetin paidalanýǵa jaǵdai jasaý» taqyrybyn talqylaidy.
Sondai-aq, «UQShU men Halyqaralyq Qyzyl krest pen Jarty ai komiteti men UQShU arasyndaǵy hattama», «UQShU múshe elderi múddelerine sáikes úilestirilgen aqparattyq saiasatty damytý boiynsha sharalar jospary», UQShU múshe elderiniń zańsyz kóshi-qon salasyndaǵy yntymaqtastyq týraly kelisimdi qarastyrdy.
